Visaun Misaun

FILOSÓFIA EDUCASAUN ESCOLA CATÓLICA SANTA MADALENA DE CANOSSA

Igreja Católica nia filosófia hateten kona-ba; “ema ne’e, ida-ne’ebé integrado” (Humanismo Integral). Nia valór no dignidade folin aas tebes, tamba ema nu’udar  ilas Maromak Nia, (Gen 1:26). Dokumento Consilio Vaticano II  Gravissimum Educazione artigo 6 hateten  fó-importansia boot liu iha visaun no missaun Igreja nian. Haktuir tan katak ema sarani tau fiar ne’ebé aas, hodi asegura valores-valores fiar sarani nian, iha obrigasaun tomak didika-an atu hanourin disciplina religião ho nia karakter misionario, moris iha solidariedade social no forma ema atu iha kompaisaun balialos. Hatenevaloriza  kultura rasik, orgulha ho identidade nu’udar Timor-oan, hatene mós atu nakloke  ba mundo global (forma no essense).

          Santa Madalena de Canossa nia filosófia kona-ba edukasaun mak atu forma ema nia fuan. Fuan nu’udar  hun moris ema ida-nia, bainhira fuan ne’e, lakon nia sentidu no paradu, hatudu moris ne’e lakon nia kbiit moris katak mate-ona. Santa Madalena de Canossa fó-importansia liu ba formasaun iha fuannian, lato’o de’it forma ema  atu  hatene ka matenek siénsia-nian, maibé, metenek iha fuan nian. Signifika katak ema iha nia matenek ne’ebé hakonu-an husi liafuan kmanek ka sabedória Maromak Nian. Forma ema sai matenek atu bahasorubabeur no tentasaun ba kan oioin ne’ebé mundo globalizasaun apresenta. Ikus liu hakaran didika-an tomak hodi fó-fatin ba jovem sira, feto no mane atu alkansa sira nia futuru hodi hari sosiedade ida kefurak no murak, família ne’ebé moris iha harmonia,  Igreja no nasaun sai forte iha nia kbiit ukun nian.

VISAUN, MISAUN, PROFÍLO NO OBJETIVO TUIR CARISSMA SANTA MADALENA DE CANOSSA

Haktuir filosofia Igreja no Santa Madalena de Canossa nia, hatudu katak Escola Canossa iha nia visaun no Missaun, hanesan:

a.    VISAUN edukasaun canossiana nian fahe ba forma rua;

1.   Forma ema nia-an tomak, atu sai ema di’ak, ne’ebé fiar no hadomi Maromak no Maun alin sira.

2.   Forma ema liu husi Edukasaun Católica no Edukasaun Nasional atu sai tasak, nune’e bele moris di’ak, ativo, kreativu, moris tuir kultura  rai nian no resposável, iha Kreda no Nasaun

b. MISSAUN Edukasaun Canossiana Nia Fahe tuir nia Sigla  hanesan:

1. INTRUCT  katak hanorin matenek ba estudante sira no liu husi disiplinas ne’ebé hanorin, tulun alunos sira hasa’e sira-nia matenek rasik ne’ebé iha ona no hakonu sira ho informasaun kona-ba siénsia no desemvolvimento teknólogia ne’ebé adapta tuir tempo.
2. Form katak forma estudante sira atu sai ema no sarani ne’ebé lolos no liu-liu forma alunos ida-idak nia fuan atu bele moris di’ak nu’udar ema no sarani iha sociedade no Igreja. Forma estudante sira nia konxiénsia atu hatene hili buat ne’ebé di’ak no buat ne’ebé ladi’ak.
3. ENABLE katak estudante sai ema ne’ebé bele hamriik ba futuru aban-bain-rua no Eduka atu tulun estudante sira atu desenvolve sira-nia dons rasik, nune’e bele tulun an-rasik no ema seluk iha sociedade.