Irmã Ervinia Martins Brito, FdCC
(2004 – 2009)
a. Biografia Directora
Irmã
Ervinia Martins Brito, FdCC - Religiosa Canossiana. Moris iha Sub-Districto Hatulia – Districto Ermera iha
loron 26 Agusto 1972.
b.
Formação Académica
no Religiosa Canossiana
Iha
Tinan 1991 remata Irmã Ervinia estudo iha SMA Hati Kudus Becora,
tuir mai decide hodi tuir kedas formação iha vida religiosa - Congregação
Filhas de Caridade Canossiana (FdCC). Iha Tinan 1995, Irmã Ervinia halo Primeiro Votus iha Comunidade Becora - Dili no hetan kedas mandatu iha Comunidade
Ossu – Sub-Districto Ossu- Districto
Viqueque.
Iha
Tinan 1996 Irmã Ervinia ba continua estudo iha Yogyakarta –
Indonesia iha Universidade Santa Dharma, Faculdade Filosofia no Teologia
Seminari Tinggi Kentungan. Iha Tinan
1999 ba hala’o Tahun Pastoral iha
Filipina tuir requerimento acadêmico
Faculdade nian, iha tinan nebe hanesan Timor-Timur hetan nia Independência husi
Invasão Indonesia, tamba ne’e continua estudo iha Filipina hodi hasai nia
Bachelort Degree husi Universidade Pontifíce Salesiano, Faculdade Teologia.
Iha
Tinan 2003 Irmã Ervinia acaba estudo, no fila hikas mai
Timor-Leste. Momento neba molok simu nia missão
foun, iha fulan tolu nia laran hala’o formação Tertianship, preparação ba Votus
Perpetua iha Jakarta. Iha loron 3 Dezembro 2013, Festa São Francisco Xavier
Irmã Ervinia hamutuk ho maluk nain walu halo
Votus Perpetua iha Igreja Catedral Dili – Nossa Senhora Imaculada da Conceição.
c.
Experiência Serviço
Iha
Fulan Setembro 2004 simu knar nu’udar
Directora iha Escola Secundária Santa Madalena de Canossa- Comoro, hala’o knar
to’o tinan 2009, iha tinan lima nia
laran. Nune’e, wainhira remata knar Irmã Ervinia continua nia Maestrado iha Educação- área Filosofia da Educação iha
Universidade São Paulo (USP) - Brasil, husi Tinan 2010 – 2012. Oras ne’e
nu’udar Docente iha Instituto Professional de Canossa, iha Seminario Fatumeta
no mos dala ruma iha Acadêmia Polícia.
Husi
experiência tinan lima nia laran, fo ona resultado katak alunos barak mak oras
ne’e hetan ona serviço iha área oi-oin, balun sei continua sira nia estudo,
balun mos hili dalan Consagrado/a nihaun iha Seminário Maloa, iha Canossia no
Filipina, iha Claretiano no iha mós Franciscana. Iha esperança bo’ot katak sira
sei sai masin no naroman iha sira hau serviço fatin no sociedade timorense.
Husi ne’e, iha pontu tolu principais atu exprime Irmã Ervinia nia agradecimento no mos apreciação.
Primeiro: Escola Secundária Canossai sai fatin Aprendizagem
Iha
circumstancia hotu, fo vantagem, succeso no mos hasoru desvantagem sira, iha
fatin ida ne’e sai nudar pesquisa furak ida ba Irmã Ervinia, tulun nafatin madre atu halo
investigação, interogação no afirmação ba ação hotu nebe halo. Iha fatin ida
ne’e histórico tebes, vida ida-idak nebe apresenta, lori iha sira-an rasik
riqueza Sócio-cultural,
Sócio-Lingúistica, Política no fiar sarani nebe iha, contibui ba harmonização Formação Integral.
Segundo: Escola Secundária Canossa sai lição Felicidade Nian.
Wainhira
buat nebe sai ita nian rasik, ita sente ita pertence full, fo-an tomak,
dedika-an maski dala barak ema haré dehan ita la halo buat ida. Hau pertence ba
alunos ida-idak, hau pertence ba mestri ida-idak, hau pertence ba inan-aman no
instituções sira, tanto husi parte hirarquia Igreja , Sociedade Cívil no mos
Governo.
Lasu
amizade nebe harí metin nafatin to’o ohin loron sai nudar felicidade nebe los
ba Irmã Ervinia, laos tamba deit buat nebe nia halo ou fo ona, maibe amizade
nebe harí ona, sai nudar banquete domin
nebe marka ona Irmã Ervinia ho grupo ida-idak- memória nebe inseperável.
Terceiro: Escola Secundária Canossa mak fatin nebe fo moris.
Iha
Alunos Nain rua nebe marka iha história sira ne’e hotu. Jõel Trindade no João
Talo, sira nain rua finalista hotu, no oan mane ba dahuluk iha familia nia
laran. Título iha leten katak fatin ne’e
fo moris, irónico oituan, maibe iha sentido bíblico fo impressão nebe
klean. Sira nain rua nu’udar fini musan nebe mate, dodok atu fo fuan wain
nafatin ba geração hotu nebe liu husi fatin ida ne’e. Sira nia imagem tau
nafatin iha Escola, sira nain rua nu’udar protetor ba motorista hotu, atu
hadook husi ita hotu desastre ou acidente sira.
Ikus
Irmã Ervinia hato’o Parabens ba ita hotu, nebe
mak marka ona história iha fatin ida ne’e.
Escola Secundária Canossa celebra
nia existência ba tinan sanulu resin lima, fo moris ona ba jovens wain nebe
liu husi fatin ne’e. Mai ita hamutuk, agradece ba Maromak tamba Nia halo ona
buat furak nebe hafutar iha ita ida-idak hau-an.
Deus seja Louvado, Amen!